உருப்படியாக ஏதாவது செய்யலாமா - தொடர்ச்சி!!!

ஏற்கனவே இதை பத்தி எழுதி அதுக்கு உங்க எல்லார்க்கிட்டேர்ந்தும் நல்ல ஆதரவு கிடைத்தது மிக்க மகிழ்ச்சி...

இதன் மூலம் மேலும் நல்ல பல முயற்ச்சிகளை மேற்க்கொள்ளவத்ற்காக தான் இந்த பதிவு..
உங்க எல்லாருடைய பெயர் முகவரி எல்லாம் எடுத்து வச்சிட்டு என்ன பண்றாங்கன்னு நீங்க யோசிப்பீங்க.. ஏதோ ஒரு யாஹூல க்ரூப் பண்றதுக்கு தானானு நீங்க யோசிக்க கூடாது இல்லையா..அதுதான்..
சரி இப்போ விஷயத்துக்கு வர்ரேன்.

1) நான் ஒரு ப்ளாக் புதுசா ஆரம்பிச்சு இருக்கேன். அதோட லிங்கும் எல்லாரும் எழுதத்றத்துக்கான பெர்மிஷனும் இந்த வார இறுதிக்குள் உங்களுக்கு அனுப்பபடும்.
2)இந்த ப்ளாக்ல என்னவெல்லாம் எழுதலாம்னு ஒரு லிஸ்ட் குடுக்கறேன்.
அ) வேலை வாய்ப்பு செய்திகள் - முழு விவரங்களுடன்
ஆ) நீங்கள் வலை உலகத்தில் மேயும் போது உங்கள் கருத்தை கவரும் செய்திகள், நோய் தடுப்பு முறைகள், வருமுன் காப்போம் செய்திகள்.(இப்படி எதுவாக வேண்டுமானாலும் இருக்கலாம். யாருடைய மனதையும் புண்படுத்தும் செய்திகள்/அரசியல் தவிர்க்கவும்) உங்களுக்கு யாரேனும் பார்வேட் செய்த்தாகவும் இருக்கலாம.பதிவாக இட முடியாதவர்கள் லிங்க் குடுக்கலாம்.
3) யாராவது வெளி நாட்டிலிருந்து வரும் போது ஏதாவது உதவி தேவைப்பட்டால் அதையும் ஒரு பதிவின் மூலம் தெரியப்படுத்தலாம்.(அவர்களின் சொந்த ஊரை தவிர்த்து மற்ற ஊர்களுக்கு சுற்றுலா செல்ல தேவைப்பட்டால்)
4) இங்கிருந்து யாராவது வெளிநாடு செல்வதானால் விசா சம்பந்தமாக கேள்விகளோ/விசா வாங்க விதிமுறைகள், தேவைப்படும் ஆவணங்கள் என பகிர்ந்து கொள்ளலாம்.
5) ஏதாவது பண்டிகை வந்தால் அதை பற்றியும் பதிவு இடலாம்.
6) உங்களுக்கு நன்கு தெரிந்த யாருக்காவது உதவி தேவைப்பட்டால் அதையும் போடலாம். (எழைகளுக்கு பண உதவி, படிப்பிற்க்கு உதவி, மருத்துவ உதவி போன்றவை.)
7) உங்களுக்கு யாருக்காவது ஏதாவது மருத்துவர் பதிவு இடுபவராக இருந்தாலும் சரி, இல்லாவிட்டாலும் சரி, நம்ம ப்ளாக்ல அவரையும் சேர்க்கலாம். ( ஏதாவது உதவி தேவைப்பட்டால் நாம் தொடர்புக்கொள்ள வசதியாக இருக்கும்.)
8) நம்முடைய குழுவில் இருப்பவர்களின் பிறந்த நாள், கல்யாண நாள் அகியவற்றை பகிர்ந்து கொள்ளலாம்.
9) நம் குழுவினரின் இல்லங்களில் நடக்கும் கல்யாணம்/பிறந்த நாள்/இன்ன பிற விழா ஆகியவற்றுக்கான அழைப்பிதழ்களை போடலாம்.
10)வருடத்தில் ஒருமுறையோ இருமுறையோ ப்ளாக்கரின் சந்திப்பு வைக்கலாம். (சென்னை அல்லது பெங்களூரில் எங்கு அதிக எண்ணிக்கையில் மக்கள் இருக்கிறார்களோ)
11) எல்லாருடைய ப்ளட் கரூப்பும் அனுப்பிவைக்கவும்

நான் போன பதிவிட்டு சேகரித்த அனைத்து தகவல்கள் அனைவருடனும் கூடிய விரைவில் பகிர்ந்து கொள்ளப்படும்.

இவை என்னுடைய பார்வையில் மட்டுமே.. யாருக்காவது வேறு ஏதாவது சிந்தனை தோன்றினால் தெரிவிக்குமாறு கேட்டு கொள்கிறேன்.
இது எல்லாம் செய்ய எதுக்கு இனோரு ப்ளாக்னு நீங்க எல்லாம் யோசிக்கலாம். எல்லா விஷயமும் ஒரே ப்ளாக்ல இருந்தா அந்த ஒரு ப்ளாகை மாத்திரம் பார்த்தால் போதுமே என்பதற்காக தானுங்கோ.

முக்கியமாக யாரும் முதல் கமேண்ட் போட்டதுக்காக புளியோதரை/சிக்கன்/மற்றவை எல்லாம் கேட்க கூடாது..

உங்கள் அனைவரின் ஆதரவு இதற்க்கும் எதிர்ப்பார்க்கப்படுகிறது.

புதியதாக துவங்கப்பட்ட ப்ளாகின் பெயர் மற்றும் யூ.ஆர்.எல்.
பெயர் :- blog union
யூ.ஆர்.எல் :- http://blog-union-2007.blogspot.com/


பி.கு.:- முதல் முறையாக படங்கள் இல்லாத பதிவு...