தீபம் ஏற்றலாம் வாங்க!!!

டிஸ்கி:- இது ஒரு சீரியஸான பதிவு!!!

எல்லா இந்துக்களின் வீடுகளிலும் தீபம் ஏற்றும் பழக்கம் உண்டு..சில வீடுகளில் மாலையில் ஏற்றும் பழக்கமும். சில வீடுகளில் காலை மற்றும் மாலை ஆகிய இரு வேளையிலும் ஏற்றும் பழக்கமும் உண்டு. சிலர் நாள் முழுவதும் (அகண்ட தீபம்) ஏற்றும் பழக்கமும் உண்டு.எந்த விசேஷம்/விழாவாக இருந்தாலும் நாம் தீபம் ஏற்றி அந்த விசேஷம்/விழா முடிவு பெறும் வரை அந்த தீபம் அணையாமல் காப்போம்...



ஒளி என்பது இருள் மற்றும் வெளிச்சம் இரண்டையும் குறிக்கும்.கடவுளே ஞானத்தின் ஆதாரமாகவும் அதன் ஒளியை நமக்கு ஏற்றுபவராகவும் கருதப்படுகின்றார். நாம் தீபத்தை வழிபடுவதற்க்கும் இதுவே மூலக்காரணம். இருளை ஒளி நீக்குவது போல அஞ்ஞானத்தை ஞானம் நீக்குகின்றது.

ஞானம் ஒன்றே நமக்கு அழியாத சொத்து. அது நம்மிடம் இருந்தால் நம்மால் மற்ற எல்லா செல்வங்களையும் அடைய முடியும்.அதனால் தான் நாம் தீபத்தை ஏற்றி ஞானத்திற்க்கு தலை வணங்குகிறோம்.
இருளை நீக்க எந்த விளக்காக இருந்தால் என்ன? தீபம் ஏன் ஏற்ற வேண்டும்? அதற்கும் ஒரு தாத்பர்யம் உள்ளது.


தீபத்தில் உள்ள நெய்/எண்ணை நம்முடைய தேவையற்ற குணங்கள்.
அதிலுள்ள திரியானது நம்முடைய அகங்காரமாகும். ஆன்மீக ஞானத்தால் நம்முடைய தேவையற்ற குணங்கள் கொஞ்சம் கொஞ்சமாக குறைந்து நம்முடைய அகங்காரம் முழுவதுமாக அழிந்துவிடுகின்றது.


நாம் தீபம் ஏற்றும்போது இவ்வாறு சொல்கிறோம்..
தீபஜோதி பரம்ப்ரம்மா
தீப சர்வ தமோபாஹஹா
தீபனே சாத்யதே சாரம்
சந்தியா தீபோ நமோஸ்துதே.
இதன் விளக்கம்.
ஞானம் என்னும் ஒளியால் அஞ்ஞானம் என்னும் இருளை நீக்கி அதன் மூலம் வாழ்க்கையில் அனைத்தும் பெற செய்யும் தீபத்தை நான் வணங்குகிறேன்.