சமைக்கும் கேஸ் வாங்கலியா - பாகம் இரண்டு!!!

போன பதிவுல மேனேஜர், கேஸ் வேணும்னா ஹீட்டர் வாங்கனம்னு சொன்னாருனு முடிச்சி இருந்தேன்...
மேலே...
சரிக்கா நாம் ஹீட்டரோடயே வாங்கிக்கலாம்னு அம்பியும் சொல்லிட்டாரு.. நான் புதுசா வீடு வாங்கி போனா உபயோகமா இருக்கும்னு சொல்லிட்டாரு.. சரின்னு மேனேஜர்கிட்ட அது செவுத்துல மாட்டரா மாதிரி இருக்குமானு கேட்டேன்.. இருக்கும்னு சொன்னாரு.

சரி எப்படியும் உபயோகமா இருக்கும்னு நினைச்சா வந்தது அடுத்த குண்டு.. நாங்க ரெண்டு பேரும் அது மின்சாரத்துல வேலை செய்யர ஹீட்டர்னு நினைச்சா அது சமையல் கேஸ்ல வேலை செய்யரதாம்..
நான் மேனேஜர்கிட்ட அதுக்கு எங்கே கேஸ் கிடைக்கும்னு கேட்டா அவரு அது தான் ரெண்டு சிலிண்டர் தரோமே அதுல ஒரு சிலிண்டர நீங்க அதுக்கு இனைச்சிடுங்கனு சொல்லறாரு...(அவரு கூட நம்மள வச்சி காமெடி பண்ணராரு.. என்ன கொடுமை கொடி இது!!!)

நீங்க உங்க பாத்ரூம்ல ஒரு சிலிண்டர வச்சி அதை இந்த ஹீட்டரோட கணெக்ட் பண்ணிடுங்கனு சொன்னாரு.. அட கடவுளே.. நிம்மதியா மனுஷன் இருக்கறதே பாத்ரூம்ல தான் அதுக்கு வேற இவரு ஆப்பு வைக்கிறாரே நினைச்சிக்கிட்டு..வேற வழி இல்லையானு நான் கேட்க. அதுக்கு அவரு..நீங்க உங்க சமையல் அறைல இருக்கிற சிலிண்டர்லியே ஒரு 'டி' போட்டு அதே கனெக்ஷன்லியே இதுக்கும் குடுக்கலாம்னு சொன்னாரு..

எனக்கு ஒரே டென்ஷன் ஆகிடுச்சி..பின்ன என்னாங்க அவருக்கிட்ட இந்த ஹீட்டர் இல்லாம கேஸ் வாங்க என்ன வழினு கேட்டா அவரு ஹீட்டர யூஸ் பண்ண தான் நான் வேற வழி கேட்டேன்னு நினைச்சிக்கிட்டாரு.. எல்லாம் நேரம்..
சரின்னு அவருக்கு விளக்கமா கேஸ் வாங்க வேற வழியே இல்லையானு கேட்க..அவரு உங்களுக்கு உபயோகப்படாதுனா நீங்க இந்த ஹீட்டர வாங்க வேண்டாம்னு சொன்னாரு. அப்பானு ஒரு நிம்மதி பெருமூச்சு விட்டோம் நானும் அம்பியும்.. சரிங்க அப்படினா என்ன செய்யனும்னு கேட்டா அவரு கூலா சொலராரு.. ஒன்னும் இல்லேங்க உங்களுக்கு கேஸ் கணெக்ஷன் கிடைக்காது..
அட கடவுளே.. சரின்னு ஒன்பதாயிரம் ரூபாய் தண்டம் அழுது இப்ப கேஸ் வாங்கியாச்சு..